ചേളാരി: ‘കരുതിവെക്കാം ജീവന്റെ തുള്ളികള്‍ നാളേക്കായ്’ എന്ന പ്രമേയത്തില്‍ എസ്.കെ.എസ്.ബി.വി. സംസ്ഥന കമ്മിറ്റി വ്യാപകമായി സംഘടിപ്പിക്കുന്ന ജലദിന കാമ്പയിന്‍ മാര്‍ച്ച് 22 മുതല്‍ മെയ് 22 വരെ നടക്കും. കേരളത്തിനു പുറമെ ദക്ഷിണ കന്നഡ, കൊടക്, നീലഗിരി, ബാംഗ്ലൂര്‍, ലക്ഷദ്വീപ്, അന്തമാന്‍ എന്നിവിടങ്ങളിലെ പതിനായരത്തോളം കേന്ദ്രങ്ങളില്‍ നടക്കും. കാമ്പയിന്റെ ഭാഗമായി തണ്ണീര്‍പന്തല്‍, ജലദിന പ്രതിജ്ഞ, ബോധവത്കരണം, പോസ്റ്റര്‍ പ്രദര്‍ശനം എന്നിവ സംഘടിപ്പിക്കും. ജലത്തിന്റെ പ്രാധാന്യത്തെ വിദ്യാര്‍ത്ഥികളിലും അതുവഴി സമൂഹത്തിലും ബോധ്യപ്പെടുത്തുന്നതാണ് കാമ്പയിന്റെ ലക്ഷ്യം. വേനല്‍ ശക്തമായ സാഹചര്യത്തില്‍ ഇത്തവണ സംസ്ഥാനത്തെ എല്ലാ മദ്‌റസകളിലും തണ്ണീര്‍പന്തല്‍ എന്ന പേരില്‍ സൗജന്യ കുടിവെള്ള പദ്ധതി ആരംഭിക്കാനും കാമ്പയിന്റെ സംസ്താനതല ഉദ്ഘാടനം കണ്ണൂരില്‍വെച്ച് നടത്താനും ചേളാരിയില്‍ ചേര്‍ന്ന സംസ്ഥാന പ്രവര്‍ത്തകസമിതി യോഗം തീരുമാനിച്ചു. ശഫീഖ് മണ്ണഞ്ചേരി അധ്യക്ഷനായി. അബ്ദുല്‍ ഖാദര്‍ ഖാസിമി ഉദ്ഘാടനം ചെയ്തു. സയ്യിദ് സദഖത്തുള്ള തങ്ങള്‍, അംജദ് തിരൂര്‍ക്കാട്, റബീഉദ്ദീന്‍ വെന്നിയൂര്‍, സജീര്‍ കാടാച്ചിറ, മുബശ്ശിര്‍ വയനാട്, മുഹമ്മദ് നാസിഫ്, അനസ് അലി, മുഹമ്മദ് അസ്‌ലഹ്, മുഹമ്മദ് സമീല്‍, റിസാല്‍ദര്‍ അലി എന്നിവര്‍ സംസാരിച്ചു. അഫ്‌സല്‍ രാമന്തളി സ്വാഗതവു മനാഫ് കോട്ടോപാടം നന്ദിയും പറഞ്ഞു.
കരുതി വെക്കാം ജീവന്റെ തുള്ളികൾ നാളേക്കായ്.
ReplyDeleteഎന്റെ പുതിയ ബ്ലോഗ് സന്ദർശിക്കാം.
ReplyDelete